Суу ресурстары кызматы боюнча селге жана суу ташкындарына каршы иш-чаралары боюнча маалымат

Республикалык мамлекеттик ирригациялык объектилери сел жана суу ташкынынан улам кыйроого жыл сайын дуушар болуп келет. Айрыкча, өлкөнүн түштүк аймактарында кээ бир объектилер эки-үч жолу кыйроого учураган убактылар кездешет.
Кыргыз Республикасынын Өзгөчө кырдаалдар министрлигинин адындагы Гидрометеорология агенттигинин маалыматы боюнча үстүбүздөгү жылдын май-июль айларынын аралыгында жаан-чачын көп болуп, бир катар ирригациялык объектилерге сел кырсыктарынын кайталаныш кооптуулугу түзүлүүдө.
2024-жылдын апрель-июль айларында нөшөрлөп жааган жамгырдын кесепетинен сугат мезгилине даярдалган мамлекеттик ирригациялык объектилер кыйроолорго учурады. Республика боюнча 2024-жылы 86 мамлекеттик ирригациялык объектиде сел-кыяндан улам кыйроолорго учурады.
Суу ресурстары кызматынын карамагындагы түзүмдүк бөлүмдөрү тарабынан жеринде кыйроолорго учураган объектилерде биринчи кезектеги калыбына келтирүү иштери жүргүзүлүп, сугат суу берүү жандандырылууда.