Министрлер Кабинетинин Төрагасынын орун басары – Суу ресурстары, айыл чарба жана кайра иштетүү өнөр жайы министри Бакыт Төрөбаев Чүй облусуна болгон иш сапарынын алкагында Сокулук районундагы Жаңы-Пахта айыл аймагында жайгашкан “Шорго” декадалык жөнгө салуу бассейнинин базасында насостук станциянын курулуш иштери менен жеринен таанышты.

Бул объект СССР маалында 700 гектар сугат жерлерди камсыздоо максатында курулган, бирок узак убакыттан бери ишмердүүлүгү токтоп турган.

Учурда республикалык бюджети тарабынан каржыланып, инфраструктура кайрадан жандандырылууда.

Насостук станциянын курулушунда заманбап техникалык талаптарга жооп берген, жогорку басымга туруктуу жаңы үлгүдөгү түтүктөр колдонулууда.

Насостук станциянын курулуш иштерин быйыл август айынын аягына чейин бүтүрүү пландалууда.

“Жаңы инфраструктура аркылуу 520 гектар сугат жер суу менен камсыз болот. Бул долбоор Сокулук районундагы айыл чарба өндүрүшүн жандандырууга жана суу ресурстарын натыйжалуу пайдаланууга олуттуу салым кошот”, - деп белгиледи Төрөбаев.

{gallery}shorgo{/gallery}