- Суу ресурстары, айыл чарба жана кайра иштетүү өнөр жайы министрлигинин Базар-Коргон райондук суу чарба башкармалыгы тарабынан Базар-Коргон суу сактагычынын айланасында жерлерди мыйзамсыз ээлеп алып, мыйзамсыз иш жүргүзүп жаткан жарандарды аныктоо жана мыйзам талаптарын аткаруу максатында рейддик иш-чара өткөрүлдү.
- Рейдге Базар-Коргон райондук мамлекеттик администрациясы, райондук өзгөчө кырдаалдар бөлүмү, райондук ички иштер бөлүмү жана башка тиешелүү мекемелердин өкүлдөрү катышты.
- Белгилей кетсек, Базар-Коргон суу сактагычы ирригациялык максатта пайдаланылуучу стратегиялык маанидеги гидротехникалык объект болуп саналат. Анын негизги милдети — айыл чарба жерлерин сугат суу менен камсыз кылуу.
- Ошондуктан суу сактагычтын аймагын мыйзамсыз ээлеп алуу, коммерциялык максатта пайдалануу жана башка мыйзамсыз аракеттерге жол берилбейт.
