Урматтуу Суу ресурстары кызматынын жамааты!
Сиздерди 23-сентябрь — Кыргыз Республикасынын Мамлекеттик тил күнү менен чын жүрөктөн куттуктайм!
Эне тилибиз — элибиздин көөнөрбөс казынасы, улуттук сыймыгы, бай кылымдык тарыхыбызды, маданиятыбызды жана баалуулуктарыбызды муундан муунга өткөрүп келген негизги куралыбыз. Кыргыз тили — мамлекетибиздин эркиндигинин, көз карандысыздыгынын жана биримдигинин ажырагыс симфониясы.
Бүгүнкү күнү суу ресурстары тармагында эмгектенип жаткан ар бир адистин жоопкерчиликтүү ишинде мамлекеттик тилибизди кеңири колдонуу, аны өнүктүрүү жана кесиптик чөйрөдө туура, так алып баруу — баарыбыздын мекенчилдик милдетибиз.
Суу — өмүрдүн булагы болсо, тил — улуттун өмүрү.
Суу ресурстары кызматынын толук курамына, ар бир кызматкерине бекем ден соолук, үй-бүлөлүк бакыт, ачык асман жана элибизге кылган ак кызматыңыздарга чоң ийгиликтерди каалайм! Эне тилибиздин кадыр-баркы асмандай бийик, өмүрү түбөлүктүү болсун!
Терең урматым менен,
Министрдин орун басары — Суу ресурстары кызматынын директору Торогельдиев Уланбек Тургунбекович
