Үстүбүздѳгү жылдын 27-август күнү Жалал-Абад облусунун Ноокен районуна караштуу Аримжан айылында #APNIP долбоорунун алкагында уюштурулган талаа күнү ѳткѳрүлдү.
Иш-чарага Ноокен райондук агрардык ѳнүгүүнү башкаруу мекемесинин директору - А. Асанов, Сакалды айыл аймагынын биринчи орун басары – Э. Исмаилов, Таймѳнкү СПАнын жетекчиси - М. Назирбаев, айылдык кеңештин тѳрагасы - А. Нышанбаев, Ноокен районун Достук, Сейдикум айыл аймактарындагы ѳз-ара жардамдашуу топтору, Жалал-Абад айылдык кеңеш берүү кызматынын адистери, АИРдин координатору - К. Орунбаеева, Органика департаментинин Жалал-Абад облусундагы филиалынын ѳкүлү -А. Ахмедов, туура тамактануу боюнча айылдык АДКнын ѳкүлү – К. Салиева жана кызыктар фермерлер, жалпы 56 киши, алардын ичинен 45 аял катышты.
Талаа күнүнүн эң негизги максаты долбоор тарабынан түзүлгѳн ѳз-ара жардамдашуу топторунун арасында жашылча ѳстүрүү боюнча тажрыйба алмашуу, туура тамактануу, үй шартында тамактануунун деңгээлин жакшыртуу, айыл жергесинде жакырчылыктын деңгээлин тѳмѳндѳтүү болуп саналат.
Иш-чарада Таймѳнкү СПАсынын тѳрагасы долбоор тарабынан кѳрсѳтүлүп жаткан жардамдар тууралуу кеңири айтып, 3-компоненттин ишмердүүлүгү жѳнүндѳ катышуучуларга толук маалымат берди.
Талаа күнүндѳ жалпы катышуучулар 3 топко бѳлүнүп:
* 1-топ жашылча илдеттерине каршы органикалык биологиялык каражаттарды колдонуу;
* 2-топ болгар калемпирин жана капустаны ѳстүрүүнүн агротехникасын;
* 3-то помидор жана бадыраңды ѳстүрүүнүн агротехникасын практика жүзүндѳ катышуучуларга кѳрсѳтүп беришти.
Жалал-Абад облусунун Ноокен районуна караштуу Аримжан айылында Талаа күнү ѳткѳрүлдү.
